Jól

„Alltaf svo gaman að sjá hvað fólki finnst eiga við mann“

Elma Rut Valtýsdóttir skrifar
Villi Neto er viðmælandi í Jólamola dagsins.
Villi Neto er viðmælandi í Jólamola dagsins. vísir/vilhelm

Leikarinn Villi Neto hefur verið áberandi í íslensku grínsenunni síðustu ár og sló eftirminnilega í gegn í áramótaskaupinu. Á þessu ári gekk hann svo til liðs við Borgarleikhúsið og hefur farið með hlutverk í sýningunum Emil í Kattholti og Bara smástund. Villi Neto er viðmælandi í Jólamola dagsins.

Jólamolar Vísis munu birtast reglulega fram að jólum. Þar fáum við að kynnast þjóðþekktum einstaklingum í nýju ljósi og komast að því hvað það er sem kemur þeim í jólagírinn. Jólamolunum er ekki síður ætlað að koma lesendum Vísis í hið eina sanna hátíðarskap.

Hvort myndirðu skilgreina þig sem Elf eða The Grinch?

„Það fer mjög mikið eftir ári. Held ég sé Elf þetta ár, en ég kemst bara í frí þegar ég er hættur að gigga, þannig kannski fjóra daga fyrir jól.“

Hver er þín uppáhalds jólaminning?

„Ég, systir mín, Jóhanna Neto, og foreldrarnir mínir að opna jólagjafir í litla húsinu okkar í Figueira da Foz. Bestu jólin alltaf þegar maður var barn.“

Hver er eftirminnilegasta jólagjöf sem þú hefur fengið?

„Hugguleg jól með systur minni og mömmu eða pabba eru alltaf besta gjöfin.“

Hver er versta jólagjöf sem þú hefur fengið?

„Elska allar sem ég fæ, alltaf svo gaman að sjá hvað fólki finnst eiga við mann.“

Villi Neto elskar allar jólagjafir sem hann fær.Vísir/Vilhelm

Hver er uppáhalds jólahefðin þín?

„Horfa á Prince of Egypt undir teppi. Kannski full grand mynd en alltaf góð.“

Hvert er þitt uppáhalds jólalag?

„Þú komst með jólin til mín, íslenska lagið, og á ensku er það Christmas will break your heart með LCD Soundsystem.“

Hver er þín uppáhalds jólamynd?

„Eins og ég sagði, Prince of Egypt, kannski tæknilega séð ekki jólamynd, þannig ég verð að segja Grinch, Jim Carrey útgáfuna“

Hvað borðar þú á aðfangadag?

„Fer voða mikið eftir en purusteik ef ég fæ að velja.“

Hvers óskar þú þér í jólagjöf í ár?

„Góðan vínyl eða netta skyrtu.“

Hvað er það sem hringir inn jólin fyrir þér?

„Kirkjuklukkurnar.“

Er eitthvað skemmtilegt á döfinni hjá þér núna fyrir jólin?

„Margt skemmtilegt, en skemmtilegast á jólunum er að vera með fjölskyldunni eða Tinnu minni.“

Jólamolar Jólamatur Jólalög Jól Leikhús

Tengdar fréttir

Gógó-dansarar sungu Sweet Caroline þegar klukkan sló sex á að­fanga­dag

Fjölmiðlakonan Ingileif Friðriksdóttir eyddi síðustu jólum vopnuð grímu, hönskum og spritti, þar sem hún og María Rut, eiginkona hennar, voru smitaðar af Covid en synir þeirra ekki. Nú er hún nýflutt í draumahúsið og hlakkar til að halda jólin í faðmi fjölskyldunnar á nýja heimilinu. Ingileif er viðmælandi í Jólamola dagsins.

Opnaði fyrstu jóla­gjöfina frá kærastanum og bað hann um að gefa sér aldrei aftur gjöf

Lífskúnstnerinn og gleðigjafann Siggu Kling þarf vart að kynna en hún hefur spáð fyrir landsmönnum í mörg ár. Þessa dagana nýtur Sigga jólaljósanna, jólatónlistarinnar og samheldninnar sem ríkir á þessum árstíma. Hún segist jafnframt einbeita sér að því að setja jól í hverja einustu mínútu sem almættið færir henni. Sigga Kling er viðmælandi í Jólamola dagsins.

Borðuðu jóla­matinn klukkan níu gjör­sam­lega búin á því

Þingstörfin setja sinn svip á jólamánuðinn hjá Katrínu Jakobsdóttur, forsætisráðherra. Hún vonast þó til þess að ná að fara á nokkra jólatónleika, þá sérstaklega tónleika sona hennar. Hún er vanaföst þegar kemur að jólunum og setur jólaskrautið alltaf á nákvæmlega sama stað. Katrín er viðmælandi í Jólamola dagsins.



Mest lesið


Fleiri fréttir

Sjá meira


×

Mest lesið