Tein­réttur og verkjalaus eftir æfingar hjá OsteoStrong

„Því miður var hnéð illa farið. Ég var með öll einkenni slitgigtar og var orðinn mjög lélegur. Ég var þó að reyna að mæta í ræktina eftir vinnu, en þar er fínn tækjasalur sem við höfum aðgang að. Svo um það bil tveimur árum fyrir Covid byrja ég að detta rólega út og mætti orðið slitrótt á æfingar. Síðan kemur Covid og þá lokaði tækjasalurinn og ég hætti auðvitað alveg að mæta. Þá hrundi allt. Verkurinn í hnénu hafði aukist og ég var stöðugt verkjaður og kominn í áskrift að verkjalyfjum. Ég fór í myndatöku og liðþófaaðgerð en brjóskið var orðið svo lélegt að ég hefði þurft að fara í hnéskiptaaðgerð. Læknirinn ráðlagði mér þó að bíða aðeins lengur og prófa nálarstungur og sjúkraþjálfun áður en ég færi í aðgerð.“

Osteostrong bjargaði hnénu

Vilhjálmur var sannfærður um að hnéskipti væru óumflýjanleg og á meðan hann beið þess að komast í aðgerð rakst hann á auglýsingu frá Osteostrong og fór að lesa sér nánar til um fræðin á bak við æfingarnar.

„Já ég hef alltaf verið til í að prófa alla skapaða hluti, enda hafði ég engu að tapa þannig séð, svo ég skellti mér í prufutíma. Nokkru fyrr hafði ég rekist á auglýsingu frá þeim og byrjaði að lesa mér mikið til um þetta. Hugmyndafræðin á bak við Osteostrong heillaði mig. Þetta er æfingakerfi sem hjálpar fólki á öllum aldri að styrkja sig. Magnað að hægt sé að beita þessum mikla krafti í þennan stutta tíma og hvernig líkaminn svarar með nauðvörn sem gerir það að verkum að hann styrkist.

 Eftir prufutímann keypti ég mér árskort og það verður að segjast eins og er að allt hefur breyst til hins betra. Nú hef ég stundað Osteostrong á annað ár og er allt annar maður. Ég er með þéttari vöðva og sinar í kringum hnéð og það er eins og nýtt brjósk hafi myndast í hnénu. Ég er loksins komin með nýtt hné, en án skurðaðgerðar. Osteostrong bjargaði hnénu. Það er alveg klárt mál,“ segir Vilhjálmur þakklátur.

Fljótlegt, einfalt og skemmtilegt

Vilhjálmur segir að þetta sé eins og í lygasögu. Enda er breytingin á honum ótrúleg og hann sé á allt öðrum stað nú, en hann var fyrir aðeins þremur árum síðan. Eftir tæplega tveggja ára ástundun hjá Osteostrong hefur hann aukið enn frekar við sig líkamsrækt og er nú byrjaður í einkaþjálfun.

„Þetta er allt annað líf. Ég þarf ekki lengur að bíta á jaxlinn og haltra á milli lækna og sjúkraþjálfara, bryðjandi verkjalyf, heldur geng ég nú um teinréttur og verkjalaus. 

Eitthvað gerir þetta manni gott því ég er allt annar maður. Nú er ég byrjaður aftur í ræktinni og kominn með einkaþjálfara til að hjálpa mér að styrkja þolið sem var orðið lélegt. Ég hefði aldrei getað byrjað aftur í ræktinni ef ég hefði ekki byrjað í Osteostrong. Styrkurinn er kominn til baka og nú rétti ég úr hnénu og geri hnébeygjur án þess að finna fyrir því. Svo má ekki gleyma hvað þetta er fljótlegt, einfalt og skemmtilegt. Aðeins fjögur tæki og frábært starfsfólk með svör á reiðum höndum sem fylgir manni eftir og passar upp á líkamsstöðuna.

Fólk er hætt að hlægja að mér

OsteoStrong er byltingarkennt kerfi sem hjálpar fólki að styrkja vöðva, minnka verki í liðum og stoðkerfi, styrkja bein og auka jafnvægi með góðum árangri. Ástundun tekur stuttan tíma, eða 10 mínútur á viku. Vilhjálmur hvetur fólk til að lesa sér til um hugmyndafræðina á bak við Osteostrong á netinu, einfaldlega með að slá því upp í leitastrenginn.

„Eins og ég segi þá er þessi hugmyndafræði frábær. Það er auðvelt að finna greinar um þetta á netinu og ég hvet fólk til að lesa sér til um fræðina á bak við æfingarnar því hún er mjög áhugaverð. Ég meina, fólk er að lyfta bílum eða manneskjum, bara eftir því hvernig þeir beita líkamanum og nota þennan kraft sem við erum flest með. Það er bara magnað að við búum yfir þessum krafti sem hægt er að virkja með Osteostrong.

Vilhjálmur bætir við að hann hafi ætíð verið óhræddur við að fara eigin leiðir til að reyna að finna þá líkamsrækt sem hentar honum.

„Ég er búinn að prófa ýmislegt, hvort sem það eru nálarstungur, sjúkraþjálfun eða Pilates og þegar ég byrjaði í Osteostrong fyrir tveimur árum fóru margir að hlægja. Hugsuðu eflaust hvað ég væri að láta hafa mig út í. En þeir eru hættir því núna eftir að árangurinn kom í ljós. 

Enda mæli ég með þessu frá innstu hjartarótum og hvet alla til að mæta í prufutíma til að átta sig út á hvað þetta gengur,“ segir Vilhjálmur.

Best að losna við verkjalyfin

Margir einstaklingar með langvinna stoðkerfisverki leita með sinn vanda til heilsugæslunnar og eru meðhöndlaðir með ávísun á hreyfingu, tilvísunum til sjúkraþjálfara og fá fræðslu og ráðgjöf. Oft er það þó þannig að einstaklingar, sem búa við langvinnt verkjaástand, fá uppáskrifuð lyf til að lina eða slökkva á sársaukanum.

„Þar sem ég var alltaf með verki í hnénu, í hvíld eða ekki, tók ég inn sterk verkjalyf. Var stöðugt með seiðing sem náði inn að beini. Í mínu tilfelli var ég í áskrift að sterkum verkjalyfjum þannig að ég gat alltaf farið í apótek ef mig vantaði meira. En í dag þarf ég ekki verkjalyf og það er eiginlega best. Það eru lífsgæði að vera verkjalaus. Nú hlakka ég til að fara aftur til læknis og fara í myndatöku og sjá muninn á hnénu.“

Vonar að Osteostrong sé komið til að vera

„Frá fyrstu æfingu hef aldrei fundið til eða meitt mig við æfingar. Ekki einu sinni í hnénu. En ég hef alveg fundið fyrir þessu daginn eftir. Því ég bókstaflega gef allt í hverja æfingu, geri allt sem ég get og læt líkamann bregðast vel við. En daginn eftir æfingarnar finn ég að ég hef tekið vel á. Svona eins og óútskýrð þreyta. Ég allavega vona að Osteostrong sé komið til að vera því ég ætla aldrei að hætta þessu. Enda finn ég mun á öllum líkamanum og árangurinn hefur svo sannarlega ekki látið á sér standa,“ segir Vilhjálmur og brosir breitt.

Frír prufutími