Pekanhnetu- og kökudeigsískaka

Í Eldhúsinu hans Eyþórs síðastliðinn fimmtudag gerði Eyþór ómótstæðilega ísköku með pekanhnetum og kökudeigi.



Pekanhnetu- og kökudeigsískaka

Pekanhnetukökur

235 gr smjör

370 gr púðursykur

2 egg

2 msk  vanilludropar

375 hveiti

4 gr matarsódi

3 gr salt

300 gr karamellukurl

120 gr pekanhnetur

Appelsínubörkur af 2 appelsínum

Hitið ofninn í 175 gráður

Sykur og smjör þeytt saman í 1 mín. Eggjunum bætt út í einu í einu. Bætið karamellukurlinu, matarsóda, saltinu og pekanhnetunum út í. Endið á að blanda hveitinu út í. Setjið kökurnar í 35 gr skömmtum á bökunarplötu og inn í 175 gráðu heitan ofninn í 14 mín.

Ískaka

1 liter af vanilluís

210 gr pekanhnetukökur

fínt rifinn börkur af 2 appelsínum

Látið ísinn standa við stofuhita í 10 mín. Setjið hann í hrærivél með smákökunum og appelsínuberkinum. Látið vélina vinna saman í 2 mín. Setjið í form og inn í frysti í 10 tíma.

Ávaxtasalat

2 stk appelsínur

1 box jarðaber

1 box hindber

Skerið appelsínurnar í  lauf og jarðaberin í fernt. Blandið varlega saman við hindberin og setjið ofan á ískökuna. Gott er líka að mylja smákökurnar yfir ískökuna.