5 krydda gulrótarkaka með kanill lime rjómaostakremi

Ertu búin að bíða í ofvæni eftir þessari uppskrift úr Eldhúsinu hans Eyþórs? Hér er hún komin.

5 krydda gulrótarka ka kanill lime rjómaostakremi

Kaka

2 egg

130 gr sykur

120 gr olía

1/2 tsk vanilludropar

Fínt rifinn börkur af 1 appelsínu

120 gr hveiti

½ tsk lyftiduft

1 tsk matarsódi

1 tsk allrahanda krydd  

½ tsk salt

225 gr rifnar, afhýddar gulrætur

50 gr, skornar valhnetur

1stk  lime

Hitið ofninn í 170 gráður. Setjið eggin í hrærivél og þeyttið með sykrinum þar til létt og ljóst. Bætið olíunni saman við í mjórri bunu og þar á eftir vanilludropunum. Blandið appelsínuberki, hveiti, lyftidufti, matarsóda, allrahanda og salti saman við eggin og sykurinn. Blandið varlega saman með sleikju. Bætið að lokum gulrótunum og valhnetunum saman við.

Hellið í smurt eldfast mót sem er dustað með smá hveiti og bakið í 20-25 mín

Kælið og fjarlægið úr forminu.

Krem

250 gr mascarapone ostur

6 msk flórsykur

1 sítróna (bara börkurinn)

1 tsk kanill

1 cayanne á hnífsoddi

2 msk smjör við stofuhita

Þeytið saman sykur og mascarapone ostinn þar til hann er mjúkur. Bætið kryddinu og sítrónuberkinum út í og þeytið í ca 1 mín. Bætið að lokum smjörinu við og þeytið saman í 1 mín í viðbót.