Árið 2020 hjá Brimborg

Gríðarlega spennandi ár er framundan hjá Brimborg að sögn Anítu Óskar Jóhansdóttur, markaðsstjóra Brimborgar. Hún segir mikla bjartsýni ríkja og að starfsfólk Brimborgar geti ekki beðið eftir að kynna allar nýjungarnar í merkjum Brimborgar sem væntanlegar eru á árinu.

Aðspurð hvað mun koma til með að standa upp úr hjá Brimborg á árinu þá segir Aníta Ósk: „Mest spennandi eru klárlega allar þær nýjungar sem eru væntanlegar frá bílamerkjum Brimborgar. Brimborg býður, frá þeim fimm bílaframleiðendum sem Brimborg er umboðsaðili fyrir, 19 gerðir rafmagnaðra, hlaðanlegra bíla. Um er að ræða 100% hreina rafmagnsbíla og tengiltvinnbíla (Plug-In Hybrid) sem henta mismunandi þörfum Íslendinga. Framúrskarandi drægni, góður hleðsluhraði, framúrskarandi þjónusta og ráðgjöf við fyrstu kaupendur rafmagnaðra bíla.“

„Við vorum að frumsýna Peugeot 3008 PHEV fjórhjóladrifinn langdrægan tengiltvinnjeppa núna á laugardaginn sem er gríðarlega spennandi bíll sem fer 59 km í fjórhjóladrifsútgáfunni. Rafhlaðan er staðsett undir aftursætinu og hefur því ekki áhrif á farþega- eða skottrými. Það einfalt að hlaða nýjan Peugeot 3008 PHEV. Hægt er að fullhlaða heima eða í vinnu á innan við 2 tímum með 7,4 KW hleðslustöð. Einfalt er að hafa yfirsýn með hleðslunni með MyPeugeot Appinu,“ segir Aníta Ósk um það sem er í allra nánustu framtíð.

100% hreinir rafbílar væntanlegir

„Um miðjan febrúar kemur svo Peugeot e-208, 100% hreinn rafbíll með 340 km drægni. Rafbílinn Peugeot e-208 er sjálfskiptur með 50 kWh rafhlöðu sem skilar drægni við kjöraðstæður allt að 340 km. skv. WLTP mælingu. Rafhlöðuna er hægt að hraðhlaða í allt að 80% hleðslu á 30 mínútum og í 100% hleðslu á 7,5 klst í heimahleðslu,“ segir Aníta Ósk.

Að sögn Anítu Óskar hefur forsalan á nýjum Peugeot 208 og e-208 hefur farið fram úr björtustu vonum og greinilega mikill áhugi á næstu kynslóð af tækni. Fyrstu bílarnir eru áætlaðir til okkar strax um miðjan febrúar. Nú þegar eru fyrstu kaupendur Peugeot e-208 spenntir að keyra inn í nýtt rafmagnað ár.

„Með vorinu kemur svo Peugeot e-2008 SUV 100% hreinn rafbíll með 310 km drægni. 100% hreini rafbíllinn Peugeot e-2008 SUV gerir viðskiptavinum kleift að stíga skrefið inn í rafmagnaða framtíð til að vernda umhverfið og lækka rekstarkostnað án þess að fórna þægindum. Rafbílinn Peugeot e-2008 SUV er sjálfskiptur með 50 kWh rafhlöðu sem skilar drægni við kjöraðstæður allt að 310 km. skv. nýrri og strangari WLTP mælingu. Hann er 136 hestöfl með 260 Nm togkraft – einstaklega snögga hröðun, 8,5 sek í 100 km. Rafhlöðuna er hægt að hraðhlaða í allt að 80% hleðslu á 30 mínútum og í 100% hleðslu á 7,5 klst í heimahleðslu,“ bætir Aníta við.

Citroën og Mazda

Citroën C5 Aircross kemur í sumar og hefst forsalan á næstu vikum.

Mazda MX-30 100% hreinn rafbíll með kemur svo með haustinu og hefst forsalan á vormánuðum.

Aðspurð hvort Mustang Mach-e komi til landsins á árinu svarar Aníta Ósk því til að, Mustang Mach-e sé væntanlegur til Brimborgar á næsta ári 2021 og forsalan hefjist á þessu ári.

Ford og Volvo

„Á þessu ári koma hins vegar margar aðrar spennandi nýjungar eins og frá Ford: Ford Kuga PHEV, Ford Explorer PHEV, Ford Puma sem var valinn bíll ársins af WhatCar? Ford Custom PHEV og Hybrid sem nýlega var valinn Sendibíll ársins. Frá Volvo kemur XC40 PHEV og í framhaldinu kemur alrafmagnaður Volvo XC40 og hefst forsalan á þessu ári,“ segir Aníta Ósk.

Framtíðin

„Nýir bílar eru stöðugt að þróast í umhverfisvænni tækni og rafmagnið á þar stærstan þátt,“ segir Aníta aðspurð um framtíðarþróun nýrra bíla.

Aníta telur þó að við verðum ekki öll komin á sjálfkeyrandi bíla innan áratugarins sem var að hefjast.

Leitað hefur verið til allra bílaumboða verða viðbrögð þeirra birt í þeirri röð sem þau berast.