Þýski boltinn

Matthäus ætlar aftur í slaginn í sumar

Þýska goðsögnin Lothar Matthäus hefur tilkynnt að hann ætli sér aftur út í knattspyrnuþjálfun í sumar. Hann hefur nú klárað að ná sér í full þjálfunarréttindi en hefur ekki starfað sem þjálfari síðan hann hætti sem aðstoðarmaður Giovanni Trapattoni hjá Red Bull í Austurríki í fyrra.

Fótbolti 26.3.2008 14:56

Bayern mætir Dortmund í úrslitum

Það verða Bayern Munchen og Dortmund sem leika til úrslita í þýsku bikarkeppninni í knattspyrnu. Bayern vann í kvöld 2-0 sigur á Wolfsburg í undanúrslitum með mörkum frá Miroslav Klose og Franck Ribery. Þetta er í 16. sinn sem Bayern leikur til úrslita í bikarkeppninni og hefur unnið 13 af 15 úrslitaleikjum sínum til þessa.

Fótbolti 19.3.2008 22:29

Dortmund í úrslitaleikinn

Borussia Dortmund komst í kvöld í úrslitaleik þýsku bikarkeppninnar í þegar liðið vann 2. deildarliðið Carl Zeiss Jena 3-0 í undanúrslitum.

Fótbolti 18.3.2008 22:59

Diego vill til Real Madrid

Draumur Diego er að ganga til liðs við Real Madrid á Spáni. Þetta segir faðir þessa brasilíska miðjumanns sem hefur slegið í gegn með Werder Bremen í Þýskalandi á yfirstandandi leiktíð.

Fótbolti 18.3.2008 17:08

Ramelow hættur

Þýski miðjumaðurinn Carsten Ramelow hjá Bayer Leverkusen hefur ákveðið að leggja skóna á hilluna. Ramelow er 33 ára gamall og hefur átt í miklu stríði við meiðsli á undanförnum árum og fannst því rétt að hætta.

Fótbolti 13.3.2008 13:19

Stuttgart á sigurbraut

Portúgalinn Fernando Meira skoraði sigurmark Stuttgart sem vann Energie Cottbus 1-0 á útivelli í þýsku úrvalsdeildinni. Þetta var eini leikur kvöldsins í deildinni en markið kom á 30. mínútu.

Fótbolti 11.3.2008 20:44

Líkir Ribery við Zidane

Oliver Kahn, markvörður Bayern Munchen, hefur líkt félaga sínum Franck Ribery við goðsögnina Zinedine Zidane vegna tilþrifa hans með Bayern í vetur.

Fótbolti 10.3.2008 11:48

Veldu mig í landsliðið, pabbi

Miðjumaðurinn Mark van Bommel hjá Bayern Munchen gerir sér vonir um að spila með hollenska landsliðinu á ný þegar Marco van Basten lætur af störfum eftir EM í sumar.

Fótbolti 5.3.2008 18:47

Bayern München á eftir Kuyt

Hollenskir fjölmiðlar hafa greint frá því að Bayern München muni bjóða í framherjann Dirk Kuyt hjá Liverpool í sumar.

Enski boltinn 4.3.2008 14:39

Eitursvalur Ribery tryggði Bayern ótrúlegan sigur

Það var nágrannaslagur af bestu gerð í fjórðungsúrslitum þýsku bikarkeppninnar í kvöld er Bayern München tók á móti 1860 München.

Fótbolti 27.2.2008 22:07

Stuttgart tapaði fyrir 2. deildarliði

Það er alltaf nóg um óvænt úrslit í þýsku bikarkeppninni. Stuttgart féll úr leik fyrir 2. deildarliðinu Carl Jeiss Jena eftir vítaspyrnukeppni í kvöld. Staðan eftir venjulegan leiktíma var 2-2.

Fótbolti 26.2.2008 22:02

Bayern náði ekki sigri

Þar sem Werder Bremen beið lægri hlut fyrir Eintracht Frankfurt í gær gat Bayern München náð sex stiga forystu í þýsku deildinni með því að vinna Hamborg í dag.

Fótbolti 24.2.2008 18:25

Luca Toni skaut Bayern aftur í þriggja stiga forskot

Ítalski sóknarmaðurinn Luca Toni skoraði öll þrjú mörk þýska liðsins Bayern München þegar liðið vann Hannover 3-0 í dag. Bayern komst með sigrinum aftur í þriggja stiga forystu á Werder Bremen.

Fótbolti 17.2.2008 19:39

Werder Bremen upp að hlið Bayern

Werder Bremen vann Nürnberg 2-0 í þýska boltanum í dag. Með sigrinum komst Bremen upp að hlið Bayern München á toppi þýsku deildarinnar. Bæði lið hafa 40 stig en Bayern á leik inni gegn Hannover á morgun.

Fótbolti 16.2.2008 16:05

Diego ekki á förum frá Werder Bremen

Forráðamenn Werder Bremen í Þýskalandi eru allt annað en sáttir við að fjölmiðlar hafa verið að orða miðjumanninn Diego við ítalska liðið Juventus. Þeir segja að Diego sé einfaldlega ekki til sölu.

Fótbolti 11.2.2008 14:11

Hitzfeld tekur við Sviss í sumar

Ottmar Hitzfeld mun að öllum líkindum taka við þjálfun svissneska landsliðsins næsta sumar. Þetta staðfesti hann í samtali við fjölmiðla í dag.

Fótbolti 5.2.2008 18:36

Klinsmann tekur við Bayern í sumar

Bayern München hefur tilkynnt að Jürgen Klinsmenn taki við starfi knattspyrnustjóra hjá liðinu frá og með 1. júlí næstkomandi.

Fótbolti 11.1.2008 09:59

Keisarinn biðlar til Mourinho

"Keisarinn" Franz Beckenbauer, forseti Bayern Munchen, segist muni taka Jose Mourinho opnum örmum hjá félaginu þegar Ottmar Hitzfeld hættir þjálfun í sumar.

Fótbolti 5.1.2008 20:59

Lippi orðaður við Bayern

Fréttir frá Ítalíu herma að forráðamenn Bayern München muni á næstu dögum funda með Marcello Lippi.

Fótbolti 3.1.2008 17:51

Tekur van Basten við Bayern?

Hollendingurinn Marco van Basten verður líklega næsti þjálfari þýska stórliðsins Bayern München ef marka má fjölmiðla í Þýskalandi.

Fótbolti 25.12.2007 12:50

Arminia Bielefeld rekur þjálfarann

Þýska úrvalsdeildarliðið Arminia Bielefeld hefur látið knattspyrnustjórann Ernst Middendorp fara eftir að liðið tapaði stórt fyrir Dortmund um helgina, 6-1.

Fótbolti 10.12.2007 15:09

Knattspyrnumaður sætir rannsókn vegna líkamsárásar

Gríski knattspyrnumaðurinn Ioannis Amanatidis sætir nú rannsókn þýsku lögreglunnar vegna meintrar líkamsárásar.

Fótbolti 5.12.2007 20:56

Bayern á sigurbraut á ný

Þýska stórliðið Bayern Munchen komst aftur á sigurbraut í úrvalsdeildinni í dag þegar liðið lagði Wolfsburg 2-1. Liðið tapaði fyrsta leik sínum í öllum keppnum í síðustu umferð þegar það lá fyrir Stuttgart.

Fótbolti 24.11.2007 17:46

Hitzfeld sáttur við að tapa stórt

Ottmar Hitzfeld, þjálfari Bayern Munchen, segist í samtali við Bild vera mjög ánægður með að hans menn hafi fengið 3-1 skell gegn Stuttgart í gær. Hann vill meina að tapið verði þá kannski til þess að vekja hans menn úr rotinu.

Fótbolti 11.11.2007 13:44

Meistararnir færðu Bayern fyrsta tapið

Bayern Munchen tapaði í dag sínum fyrsta leik á tímabilinu í þýsku úrvalsdeildinni í knattspyrnu þegar liðið lá 3-1 fyrir meisturum Stuttgart.

Fótbolti 10.11.2007 18:31

Lahm vill fara til Barcelona

Þýski landsliðsmaðurinn Philipp Lahm hjá Bayern Munchen lét þau orð falla í viðtali við Bild í dag að hann hefði áhuga á að fara til Barcelona. Þessi 23 ára gamli bakvörður hefur verið hjá Bayern í tvö ár og sló í gegn með landsliðinu á HM í fyrrasumar.

Enski boltinn 7.11.2007 16:18

Þýski boltinn

Mest lesið