Agent Fresco á toppi árslista X977

Útvarpsstöðin X977 birti á dögunum árslista sinn fyrir árið 2014. Að þessi sinni kom það í hlut Agent Fresco að verma toppsætið með laginu Dark Water sem er einmitt fyrsta lagið sem þeir gáfu út í tengslum við væntanlega breiðskífu. 

Í öðru sæti á listanum situr hljómsveitin Sólstafir með lagi Ótta sem er að finna á þeirra nýjustu plötu. En Sólstafir áttu einmitt lag ársins árið 2012 á X977. Breska sveitin Royal Blood situr í þriðja sæti með lagið Little Monster en hljómsveitin sló algjörlega í gegn á árinu 2014. Í fjórða sæti listans er svo annar nýliði og er þar á ferð Júníus Meyvant sem sló í gegn með laginu Color Decay, það fyrsta sem hann gaf út. 

Af öðrum lögum á listanum má nefna lagið Bad Politics með hljómsveitinni Art is Dead en þessi skemmtilega íslenska hljómsveit kom fram á sjónarsviðið með miklum krafti um sumarið og sat lag þeirra um tíma í efsta sæti á Pepsi Max listanum og nægðu vinsældir þess að koma laginu í 6. sæti á árslistanum. 

Þá eiga Múm, Kontinuum, Prins Póló, Mono Town, GusGus og Tilbury einnig lög á árslista X977.

1. Agent Fresco – Dark Water

2. Sólstafir – Ótta

3. Royal Blood – Little Monster

4. Júníus Meyvant – Color Decay

5. Queens of the Stone Age – If I Had a Tail

6. Art is Dead – Bad Politics

7. Royal Blood – Out of the Black

8. Kings of Leon – Don‘t Matter

9. Múm – The Colorful Stabwound

10. Queens of the Stone Age – Smooth Sailing

11. Half Moon Run – Full Circle

12. Kontinuum – Í huldusal

13. Foo Fighters – Something From Nothing

14. Future Islands – Seasons (Waiting On You)

15. Alt-J – Every Other Freckle

16. Prins Póló – París Norðursins

17. Hozier – Take Me To Church

18. Mono Town – Two Bullets

19. GusGus – Crossfade

20. Tilbury – Hollow

Listinn er valinn af hlustendum X977 í gegnum hlustendaráð stöðvarinnar og fjöldi spilana á árinu skipta einnig máli við val á árslistanum. Hægt er að skrá sig í hlustendaráð X977 hér.