Spáin fyrir Olís-deild kvenna 2020-21: Metnaðarfull lið sem stefna hátt (4.-6. sæti)

Ingvi Þór Sæmundsson og Óskar Ófeigur Jónsson skrifa 10. september 2020 11:00

Íþróttadeild Vísis og Stöðvar 2 Sports spáir fyrir um gengi liðanna í Olís-deild kvenna en keppni í deildinni hefst með tveimur leikjum á morgun, föstudaginn 11. september.

Í gær skoðuðum við liðin sem verða í botnbaráttunni og núna er komið að liðunum sem við teljum að verði í 4.-6. sæti deildarinnar.

Sex lið komast í úrslitakeppnina en ekki fjögur eins og síðustu ár. Tvö efstu lið deildarinnar fara beint í undanúrslit en hin fjögur keppa um hin tvö sætin í undanúrslitunum. Þriðja og fjórða sætið gefa því heimavallarrétt í átta-liða úrslitunum.

Við teljum að HK, Stjarnan og KA/Þór raði sér í 4.-6. sæti deildarinnar. Bæði Stjarnan og KA/Þór hafa fengið sterka leikmenn úr atvinnumennsku og öll þessi þrjú lið eru sterkari en á síðasta tímabili.

Liðin gera sér væntanlega öll vonir og væntingar um að láta til sín taka í toppbaráttunni og KA/Þór lét hressilega vita af sér með stórsigrinum á Fram í Meistarakeppninni á sunnudaginn.

Díana Kristín Sigmarsdóttir var markahæsti leikmaður HK á síðasta tímabili.vísir/bára

HK í 6. sæti: Með betra lið en erfitt að gera betur

HK kom liða mest á óvart í Olís-deild kvenna og var í 4. sæti og komið allavega með annan fótinn inn í úrslitakeppnina þegar tímabilið var blásið af vegna kórónuveirufaraldursins.

Halldór Harri Kristjánsson er að hefja sitt annað tímabil sem þjálfari HK sem gerði góða hluti á félagaskiptamarkaðnum. HK-ingar fengu línumanninn Alexöndru Líf Arnarsdóttur frá Haukum en hún ætti að styrkja varnarleik liðsins. Ólöf Ásta Arnþórsdóttir eykur breiddina fyrir utan og Þóra María Sigurjónsdóttir er einn allra efnilegasti leikmaður landsins. Hún sleit krossband í hné á síðasta tímabili og er að komast aftur á ferðina.

Sömu sögu er að segja af Jóhönnu Margréti Sigurðardóttur sem sló í gegn með HK á síðasta tímabili. Þegar allar eru heilar er HK með virkilega flott lið og betra en á síðasta tímabili. Eina vandamálið fyrir HK-inga er að deildin er sterkari en í fyrra.

Í liði HK er góð blanda af reyndum leikmönnum og ungum og efnilegum stelpum sem geta náð langt. Til að komast ofar og ná í heimavallarrétt í úrslitakeppninni þarf HK betri markvörslu en á síðasta tímabili og ná í fleiri stig á útivelli. Í fyrra fengu HK-ingar þrettán af átján stigum sínum á nýja heimavellinum í Kórnum. Liðið vann hins vegar bara tvo útileiki.

Hversu langt síðan að HK ... .

.. varð Íslandsmeistari: Aldrei
... varð deildarmeistari: Aldrei
... varð meðal þriggja efstu í deildinni: Aldrei
... varð bikarmeistari: Aldrei
... komst í bikarúrslit: Aldrei
... komst í úrslitakeppni: 6 ár (2014)
... komst í undanúrslit: Aldrei
... komst í lokaúrslit: Aldrei
... féll úr deildinni: 4 ár (2016)
... kom upp í deildina: 2 ár (2018)

Gengi HK í deildarkeppninni undanfarin níu tímabil

2019-20 4. sæti í deildinni
2018-19 7. sæti í deildinni
2017-18 B-deild (2. sæti)
2016-17 B-deild (4. sæti)
2015-16 9. sæti í deildinni
2014-15 9. sæti í deildinni
2013-14 8. sæti í deildinni
2012-13 5. sæti í deildinni
2011-12 5. sæti í deildinni

Gengi HK í úrslitakeppninni undanfarin níu tímabil

2019-20 Úrslitakeppnin fór ekki fram
2018-19 Ekki í úrslitakeppni
2017-18 B-deild
2016-17 B-deild
2015-16 Ekki í úrslitakeppni
2014-15 Ekki í úrslitakeppni
2013-14 Átta liða úrslit
2012-13 Átta liða úrslit
2011-12 Sex liða úrslit

View this post on Instagram

Góð helgi að baki hjá meistaraflokkum kvenna 2 leikir + 2 sigrar = 4 stig! Í gær kíkti Afturelding í Kórinn. Sterk vörn, markvarsla og hraðaupphlaup skiluðu flottum sigri, 33-22! Markahæstar voru þær @johannaasigurdard og @siggahauks , báðar með 8 mörk. Reynsluboltinn @kristingud6 stjórnaði vörninni með stakri prýði og var að leik loknum valin Pure Delí maður leiksins Í dag tók U-liðið á móti Fylki. Sterk vörn og frábær liðsheild skilaði liðinu góðum sigri 30-24 . Markahæstar hjá HK-U voru @sarakatring með 8 mörk og @agustahuld með 6 @alexandragunnarss og @ingagudmunds_ áttu góðan leik í markinu, alls með 20 bolta varða Næstu leikir hjá liðunum eru næstu helgi: ÍR - HK U Grill deild kvenna Austurberg Föstudagur 24. janúar 19:15 Fram - HK Olís deild kvenna Safamýri Laugardagur 25. janúar 14:00 Áfram HK

A post shared by Meistaraflokkar HK í handbolta (@hkhandbolti) on Jan 19, 2020 at 11:09am PST

HBStatz tölurnar frá síðasta tímabili

Sóknarleikur HK 2019/20 í tölum HBStatz

Mörk skoruð í leik - 3. sæti (27,2)
Skotnýting - 4. sæti (56,0%)
Vítanýting - 3. sæti (80,2%)
Hraðaupphlaupsmörk - 4. sæti (48)
Stoðsendingar í leik - 5. sæti (8,6)
Tapaðir boltar í leik - 7. sæti (14,5)

Vörn og markvarsla HK 2019/20 í tölum HBStatz

Mörk fengin á sig í leik - 6. sæti (27,8)
Hlutfallsmarkvarsla - 7. sæti (28,4%)
Varin víti - 7. sæti (7)
Stolnir boltar - 3. sæti (81)
Varin skot í vörn - 5. sæti (35)
Lögleg stopp í leik - 6. sæti (22,9)

Félagaskiptamarkaðurinn

Komnar:

Þóra María Sigurjónsdóttir frá Aftureldingu
Ólöf Ásta Ástþórsdóttir frá Stjörnunni
Heiðrún Sverrisdóttir frá Val
Chloe Anna Aronsdóttir frá ÍR
Alexandra Líf Arnarsdóttir frá Haukum

Farnar:

Melkorka Mist Gunnarsdóttir hætt
Sunneva Einarsdóttir hætt
Ágústa Huld Gunnarsdóttir til Gróttu
Elva Arinbjarnar í nám erlendis
Ada Kozicka til Fjölnis/Fylkis

Líklegt byrjunarlið

Markvörður: Sara Sif Helgadóttir
Vinstra horn: Sigríður Hauksdóttir
Vinstri skytta: Kristín Guðmundsdóttir
Miðja: Valgerður Ýr Þorsteinsdóttir
Hægri skytta: Díana Kristín Sigmarsdóttir
Hægra horn: Tinna Sól Björgvinsdóttir
Lína: Alexandra Líf Arnarsdóttir

Valgerður Ýr Þorsteinsdóttir er einn reyndasti leikmaður HK.vísir/bára

Verður að eiga gott tímabil

Líkt og síðustu ár verður Valgerður Ýr Þorsteinsdóttir í stóru hlutverki hjá HK. Valgerður, sem er af sannkölluðum handboltaaðalsættum, er afar áreiðanlegur leikmaður sem skiptir miklu fyrir HK-liðið. Hún þarf að eiga gott tímabil fyrir HK í vetur, skora sín mörk og stýra sóknarleiknum.

Landsliðskonurnar Helena Rut Örvarsdóttir og Eva Björk Davíðsdóttir eru komnar í Stjörnuna.mynd/facebook-síða handknattleiksdeildar stjörnunnar

Stjarnan í 5. sæti: Vilja komast aftur í titilbaráttu

Stjörnukonur byrjuðu síðasta tímabil af miklum krafti og unnu fyrstu fjóra leiki sína. Þær unnu hins vegar aðeins fjóra af síðustu fjórtán leikjum sínum og sátu í 3. sætinu þegar keppni var hætt.

Eftir tímabilið urðu þjálfaraskipti í Garðabænum. Sebastian Alexandersson hætti eftir tvö ár hjá Stjörnunni og við tók Rakel Dögg Bragadóttir, ein besta dóttir félagsins. Stjarnan sótti svo tvo atvinnumenn; Evu Björk Davíðsdóttur og Helenu Rut Örvarsdóttir sem er öllum hnútum kunnugt í TM-höllinni.

Talsverðar breytingar hafa orðið á leikmannahópi Stjörnunnar en Þórey Anna Ásgeirsdóttir er m.a. horfin á braut og Þórhildur Gunnarsdóttir og Stefanía Theodórsdóttir eru barnshafandi. Liðið er samt áfram sterkt og gríðarlega reynt. Þá er Stjarnan með unga og lofandi leikmenn eins Katrínu Tinnu Jensdóttur, Kötlu Maríu Magnúsdóttir og Ídu Bjarklind Magnúsdóttur.

Markvarslan þarf að vera betri en á síðasta tímabili og það er eiginlega nauðsynlegt til að Stjarnan haldi sér við toppinn þar sem liðið hefur verið undanfarin ár.

Hversu langt síðan að Stjarnan ... .

.. varð Íslandsmeistari: 11 ár (2009)
... varð deildarmeistari: 3 ár (2017)
... varð meðal þriggja efstu í deildinni: 0 ár (2020)
... varð bikarmeistari: 3 ár (2017)
... komst í bikarúrslit: 3 ár (2017)
... komst í úrslitakeppni: 3 ár (2017)
... komst í undanúrslit: 3 ár (2017)
... komst í lokaúrslit: 3 ár (2017)
... féll úr deildinni: Aldrei
... kom upp í deildina: 35 ár (1985)

Gengi Stjörnunnar í deildarkeppninni undanfarin níu tímabil

2019-20 3. sæti í deildinni
2018-19 6. sæti í deildinni
2017-18 5. sæti í deildinni
2016-17 Deildarmeistari
2015-16 4. sæti í deildinni
2014-15 3. sæti í deildinni
2013-14 Deildarmeistari
2012-13 4. sæti í deildinni
2011-12 4. sæti í deildinni

Gengi Stjörnunnar í úrslitakeppninni undanfarin níu tímabil

2019-20 Úrslitakeppnin fór ekki fram
2018-19 Ekki í úrslitakeppni
2017-18 Ekki í úrslitakeppni
2016-17 Silfurverðlaun
2015-16 Silfurverðlaun
2014-15 Silfurverðlaun
2013-14 Silfurverðlaun
2012-13 Silfurverðlaun
2011-12 Undanúrslit

View this post on Instagram

Arnar Pétursson og Ágúst Jóhannsson, þjálfarar A-landsliðs kvenna, hafa valið 22 leikmenn til æfinga með A-landslið kvenna í júní. Við í Stjörnunni eigum þrjá frábæra fulltrúa þar. Stórskytturnar Helena Rut og Eva Björk hafa verið fastamenn undanfarin ár og halda sæti sínu en hin bráðefnilega Katrín Tinna Jensdóttir hefur verið valin í fyrsta skipti í hópinn. Katrín er hávaxin línumaður sem vakti athygli á síðasta tímabili fyrir frábæran varnarleik í Olísdeildinni. Hún var lykilleikmaður í U-17 kvenna sem náði frábærum árangri síðasta sumar þegar þær lentu í 2. sæti í B-Evrópukeppninni. Við erum auðvitað hæstánægð með allar þessar þrjár og óskum þeim til hamingju með valið

A post shared by Stjarnan Handbolti (@handboltistar) on Jun 9, 2020 at 1:22pm PDT

HBStatz tölurnar frá síðasta tímabili

Sóknarleikur Stjörnunnar 2019/20 í tölum HBStatz

Mörk skoruð í leik - 4. sæti (25,2)
Skotnýting - 3. sæti (57,3%)
Vítanýting - 4. sæti (78,9%)
Hraðaupphlaupsmörk - 2. sæti (71)
Stoðsendingar í leik - 2. sæti (11,7)
Tapaðir boltar í leik - 2. sæti (10,8)

Vörn og markvarsla Stjörnunnar 2019/20 í tölum HBStatz

Mörk fengin á sig í leik - 4. sæti (24,3)
Hlutfallsmarkvarsla - 6. sæti (29,1%)
Varin víti - 3. sæti (12)
Stolnir boltar - 2. sæti (97)
Varin skot í vörn - 8. sæti (23)
Lögleg stopp í leik - 8. sæti (25,2)

Félagaskiptamarkaðurinn

Komnar:

Helena Rut Örvarsdóttir frá SønderjyskE (Danmörku)
Eva Björk Davíðsdóttir frá Skuru (Svíþjóð)
Katla María Magnúsdóttir frá Selfossi
Heiðrún Dís Magnúsdóttir frá Fram
Anna Karen Hansdóttir frá Horsens (Danmörku)
Liisa Bergdís Arnarsdóttir frá Kongsvinger (Noregi)

Farnar:

Ólöf Ásta Arnþórsdóttir til HK
Þórey Anna Ásgeirsdóttir til Vals
Steinunn Guðjónsdóttir til Gróttu
Auður Brynja Sölvadóttir til Víkings
Írena Björk Ómarsdóttir til FH
Arna Þyrí Ólafsdóttir til Víkings
Hildur Guðjónsdóttir til FH (lán)
Stefanía Theodórsdóttir ólétt
Dagný Huld Birgisdóttir hætt
Þórhildur Gunnarsdóttir ólétt

Líklegt byrjunarlið

Mark: Heiðrún Dís Magnúsdóttir
Vinstra horn: Anna Karen Hansdóttir
Vinstri skytta: Helena Rut Örvarsdóttir
Miðja: Eva Björk Davíðsdóttir
Hægri skytta: Sólveig Lára Kjærnested
Hægra horn: Hanna G. Stefánsdóttir
Lína: Elena Elísabet Birgisdóttir

Helena Rut Örvarsdóttir skrifaði undir tveggja ára samning við Stjörnuna í maí.vísir/bára

Verður að eiga gott tímabil

Eftir að hafa reynt fyrir sér í atvinnumennsku sneri Helena Rut Örvarsdóttir aftur til uppeldisfélagsins í vor. Hún styrkir Stjörnuna mikið á báðum endum vallarins, enda hörku skytta og öflugur varnarmaður. Þegar Helena lék með Stjörnunni áður en hún fór erlendis var liðið alltaf í baráttu um titla og vann nokkra og Garðbæingar vonast til að hún geti aftur komið liðinu á þann stall.

Marta Hermannsdóttir gengur í átt að meistarabikarnum sem KA/Þór vann í fyrsta sinn um helgina.vísir/hag

KA/Þór í 4. sæti: Væntingastuðullinn hækkaði verulega

KA/Þór sýndi skýr skilaboð út í handboltakosmósið með því að vinna Fram, 30-23, í Meistarakeppni HSÍ á sunnudaginn. Þegar þessi lið mættust í bikarúrslitum á síðasta tímabili vann Fram risasigur, 31-18. Sé bara litið á leikinn á sunnudaginn hefur því heldur betur dregið saman með þessum liðum.

KA/Þór teflir fram nánast sama liði og á síðasta tímabili. Eina viðbótin er Rut Jónsdóttir og það er engin smá viðbót. Hún er einn af okkar bestu leikmönnum og kemur með aðra vídd inn í lið KA/Þórs sem var þó vel frambærilegt fyrir.

Gengið á síðasta tímabili var misjafnt. KA/Þór vann góða sigra en fékk nokkra vonda skelli. Til að mynda tapaði liðið sex deildarleikjum með átta mörkum eða meira.

KA/Þór náði þó stórum áfanga með því að komast í bikarúrslitaleikinn í fyrsta sinn, þótt Akureyringar hafi reyndar aldrei séð til sólar í honum. Stefnan er sett á að gera enn betur á komandi tímabili, sem verður það fyrsta undir stjórn Andra Snæs Stefánssonar, og frammistaðan í meistaraleiknum gefur svo sannarlega góð fyrirheit.

KA/Þór líður vel heima fyrir en liðið fékk tíu af fjórtán stigum sínum á síðasta tímabili í KA-heimilinu. Ef KA/Þór ætlar að blanda sér í toppbaráttuna má liðið ekki koma jafn oft tómhent heim úr ferðum sínum suður og í fyrra.

Hversu langt síðan að KA/Þór ... .

.. varð Íslandsmeistari: Aldrei
... varð deildarmeistari: Aldrei
... varð meðal þriggja efstu í deildinni: Aldrei
... varð bikarmeistari: Aldrei
... komst í bikarúrslit: 0 ár (2020)
... komst í úrslitakeppni: Aldrei
... komst í undanúrslit: Aldrei
... komst í lokaúrslit: Aldrei
... féll úr deildinni: 4 ár (2016)
... kom upp í deildina: 2 ár (2018)

Gengi KA/Þór í deildarkeppninni undanfarin níu tímabil

2019-20 6. sæti í deildinni
2018-19 5. sæti í deildinni
2017-18 B-deild (1. sæti)
2016-17 B-deild (2. sæti)
2015-16 11. sæti í deildinni
2014-15 11. sæti í deildinni
2013-14 11. sæti í deildinni
2012-13 Ekki með á Íslandsmótinu
2011-12 7. sæti í deildinni

Gengi KA/Þór í úrslitakeppninni undanfarin níu tímabil

2019-20 Úrslitakeppnin fór ekki fram
2018-19 Ekki í úrslitakeppni
2017-18 B-deild
2016-17 B-deild
2015-16 Ekki í úrslitakeppni
2014-15 Ekki í úrslitakeppni
2013-14 Ekki í úrslitakeppni
2012-13 Ekki með á Íslandsmótinu
2011-12 Ekki í úrslitakeppni

View this post on Instagram

Meistarar meistaranna Eftir fra bæran 23-30 sigur a Fram i dag erum við stelpurnar komnar alsælar heim til Akureyrar eftir go ða ru tuferð. Við þo kkum kærlega fyrir stuðninginn, hann er o metanlegur. Við erum bu nar að leggja hart að okkur a undirbu ningsti mabilinu og er þetta fyrsta uppskeran okkar i vetur. Fyrsti sto ri titill KA/Þo rs! Við erum o tru lega spenntar fyrir komandi ti mabil. Hlo kkum mikið til. Fyrsti leikur i Oli s deildinni er næstu helgi, u tileikur gegn I BV. Sjáumst þá A fram KA/Þo r

A post shared by Meistaraflokkur KA/Þo rs (@kathor.handbolti) on Sep 6, 2020 at 5:46pm PDT

HBStatz tölurnar frá síðasta tímabili

Sóknarleikur KA/Þórs 2019/20 í tölum HBStatz

Mörk skoruð í leik - 5. sæti (23,8)
Skotnýting - 7. sæti (49,1%)
Vítanýting - 5. sæti (77,2%)
Hraðaupphlaupsmörk - 7. sæti (37)
Stoðsendingar í leik - 4. sæti (10,2)
Tapaðir boltar í leik - 4. sæti (11,3)

Vörn og markvarsla KA/Þórs 2019/20 í tölum HBStatz

Mörk fengin á sig í leik - 7. sæti (27,9)
Hlutfallsmarkvarsla - 5. sæti (29,7%)
Varin víti - 1. sæti (15)
Stolnir boltar - 6. sæti (77)
Varin skot í vörn - 7. sæti (29)
Lögleg stopp í leik - 7. sæti (24,7)

Félagaskiptamarkaðurinn

Komnar:

Rut Jónsdóttir frá Esbjerg (Danmörku)

Farnar:

Ásdís Sigurðardóttir hætt

Líklegt byrjunarlið

Markvörður: Matea Lonac
Vinstra horn: Katrín Vilhjálmsdóttir
Vinstri skytta: Martha Hermannsdóttir
Miðja: Aldís Ásta Heimisdóttir
Hægri skytta: Rut Jónsdóttir
Hægra horn: Rakel Sara Elvarsdóttir
Lína: Ásdís Guðmundsdóttir

Rut Jónsdóttir í Meistaraleiknum gegn Fram á sunnudaginn þar sem hún skoraði fimm mörk úr sex skotum.vísir/hag

Verður að eiga gott tímabil

Í fyrsta sinn frá tímabilinu 2007-08 leikur Rut Jónsdóttir á Íslandi. Undanfarin tólf ár hefur Rut leikið erlendis og sennilega hefur engin íslensk handboltakona átt farsælli atvinnumannaferil en hún. Það kom eflaust mörgum á óvart að Rut skyldi fara til KA/Þórs en það sýnir kannski metnaðinn fyrir norðan. Rut er framúrskarandi leikmaður og ef allt er eðlilegt verður hún ein af skærustu stjörnum tímabilsins.

Olís-deild kvenna HK Stjarnan KA Þór Akureyri

Mest lesið

Fleiri fréttir