Slæm byrjun hjá Lewandowski og fé­lögum

Slóvenía vann 2-1 sigur á Póllandi er liðin mættust í E-riðlinum í St. Pétursborg í dag en í E-riðlinum eru einnig Spánn og Svíþjóð.

Pólland gerði 2-2 jafntefli við íslenska landsliðið í aðdragandanum og þar leit pólska liðið ekki vel út en í dag var það leikur á EM.

Pólverjarnir voru sterkari framan af leik en það voru hins vegar Slóvakirnir sem komust yfir á 18. mínútu er Wojciech Szczesny gerði sjálfsmark.

Róbert Mak átti magnaðan sprett. Hann þrumaði svo boltanum í átt að marki Póllands úr þröngu færi en boltinn fór í nærstöngina og af Wojciech Szczesny og í netið.

Þannig stóðu leikar í hálfleik en síðari hálfleikur var ekki mínútu gamall er Karol Linetty jafnaði metin. Hann fékk boltann út í teiginn og kláraði færið vel.

Það skánaði ekki ástandið hjá Póllandi er Grzegorz Krychowiak fékk sitt annað gula spjald og þar með rautt á 62. mínútu. Pólskir því einum færri síðasta hálftímann.

Það var Ítalíumeistarinn Milan Skriniar sem skoraði sigurmarkið tuttugu mínútum fyrir leikslok. Boltinn féll til hans eftir hornspyrnu og þrumaði honum boltanum í netið.

Jan Bednarek var nærri því að jafna metin undir lok leiksins en skot hans rétt framhjá. Lokatölur 2-1 sigur Slóvakíu sem eru því með þrjú stig en Pólland án stiga.

Svíþjóð og Spánn mætast síðar í kvöld.

EM 2020 verður sýnt á Stöð 2 Sport EM 2020 sem er hluti af Sportpakkanum, Stóra pakkanum og Risapakkanum. EM 2020 verður einnig hægt að kaupa stakt á kr. 6.990 en fyrir viðskiptavini með aðra áskrift en ofangreindar frá Stöð 2 kostar áskriftin kr. 3.990.